БНСУ-д гарсан гал түймрийн улмаас 18 хүн нас барж, нэг хүн сураггүй алга болсон гэж тус улсын ойн албаны ажилтнууд мэдэгдлээ.
Өнгөрсөн баасан гаригт Өмнөд Кёнсан мужийн Санчон мужид гарсан түймэр ойр орчмын Үйсеонг хүртэл тархаж, хүчтэй хуурай салхины нөлөөгөөр хөрш Андонг, Чонгсон, Ёньян, Ёндэок хот руу шилжжээ.
Гал сөнөөгчид хурдацтай тархаж түймрийг зогсоохоор тэмцсээр байгаа бөгөөд 5000 орчим цэргийн албан хаагч, 146 нисдэг тэрэг галын эсрэг тэмцэж байна.
Амь үрэгдэгсэн 18 иргэний хоёр нь Андон хотоос, гурав нь Чонгсон, зургаа нь Ёньян, долоо нь Ёндок хотоос олдсон гэж албаны хүмүүс мэдэгдэв.
Хойд Кёнсан мужийн Ёонгдеок хотод хээрийн түймэрт шатсан машинаас цагдаагийнхан нэг хохирогчийн цогцсыг олсон байна.
Үүнээс гадна 10 хүн түлэгдэж гэмтсэн ба хоёр нь хүнд бэртжээ.
Ёньян хотын түймэрт амиа алдсан хүмүүсийн дөрөв нь зам дээр шатаж нас барсан байдалтай олдсон гэж цагдаагаас мэдээлэв.
Ерөнхийлөгчийн үүрэг гүйцэтгэгч Хан Дак Сү үхлийн аюултай ой хээрийн түймрийг цаашид тархахаас урьдчилан сэргийлэхийн тулд бүхий л хүчин чармайлт гаргахыг уриалж, энэ удаагийн түймрийг "Хамгийн хүнд ой хээрийн түймэр" гэж тодорхойлсон байна.
Түймрийн улмаас Шилла гүрний үед (МЭӨ 57-МЭ 935 он) 681 онд баригдсан эртний сүм болох Уйсеонг дахь Гоун сүм шатсан ба сүмд хадгалагдаж байсан үндэсний үнэт зүйлсийг өөр газар нүүлгэн шилжүүлжээ.
