Хорватын нийслэл Загреб хотноо “Загреб-2022” гранпри тэмцээн гурван өдрийн турш үргэлжилж дүнгээ гаргалаа. Дэлхийн 69 орны 503 жүдоч нэгэн дор чуулсан энэ тэмцээнээс 25 улс медаль хүртэж, Нидерланд улс тэргүүлэв. Монгол улс 1 мөнгө, 4 хүрэл медаль хүртэж багийн дүнгээр 12-т бичигдэж Загребын Гранпри-г өндөрлүүллээ.
Өчигдөр тэмцээний эмэгтэй +78кг-ийн жингийн ХҮРЭЛ медалийн төлөөх барилдаанд Монгол Улсын бөх Амарсайханы Адъяасүрэн, Гүржийн бөх Софио Сомхишвили нар өрсөлдөж манай бөх ялалт байгуулсанаар 4 дэх хүрэл медалийн эзэн болсон юм.
Мөн эрэгтэй +100кг-ийн жинд Одхүүгийн Цэцэнцэнгэл МӨНГӨН медалийн болзол хангалаа. Үнэдсний их баяр наадмаар Улсын начин цол хүртсэн О.Цэцэнцэнгэл тавхан хоногийн дотор ийнхүү бөхийн өөр төрлөөр томоохон амжилт үзүүлсэн нь энэ.
