Соёл, спорт, залуучуудын яам Төрийн соёрхолт, соёлын гавьяат зүтгэлтэн Ш.Гүрбазар агсанд зориулан эмгэнэл гаргахадаа ноцтой алдаа гаргасан нь олон нийтийг бухимдуулсан. Үүнд Соёл, спорт, залуучуудын сайд Ж.Алдаржавхлан тайлбар хийлээ. Тэрбээр "Энэ бол итгэмээргүй энгийн алдаа. Монголд "Амьддаа бие биеэ хайрла" шүлэг яруу найрагч О.Дашбалбарынх гэдгийг мэдэхгүй хүн байхгүй. Би үнэхээр итгэж чадахгүй байгаа. Дэндүү харамсмаар алдаа гаргасан. Хэнийх гэдгийг нь хүн бүхэн мэддэг шүлгүүдийг талийгаачийнх гэж бичсэн байсан. Хэчнээн яарсан ч гэлээ ийм алдаа гаргасанд гайхаж байгаа. Эмгэнэл бичсэн ажилтантайгаа уулзсан. Төрийн ёслолын албанаас яаруулаад байсан учир яарч бичсэн гэсэн тайлбар өгсөн. Хамгийн гол нь дарга нартаа үзүүлэхгүйгээр шууд тавьчихсан байсан" гэлээ.
Ж.Алдаржавхлан сайд "Та энэ бүхний төлөө уулчлал гуйх уу" гэсэн сэтгүүлчийн асуултад хариулахдаа "Би ямар тийм үг хэлж алдаа гаргасан биш, надад ямар хамаатай юм" гэсэн хариулт өгчээ. Сод нэгэн хүмүүн таалал төгссөн байхад Соёлын яам нь уучилшгүй алдаа гаргаж, өөрийнхөө нэрийг тавиулсан сайд нь надад ямар хамаатай юм гэж хүнийрхэж байгаа нь олон нийтийн эгдүүцлийг дахиад л хүргэлээ. Эмгэнэл нь өөрөө эмгэнэл дагуулсан энэ үйл явдалд Соёл, спорт, залуучуудын сайд Ж.Алдаржавхлан огтхон ч гэмшихгүйгээр үл барам бурууг бусад руу тохож байгаа нь хэн ч харсан ёс зүйгүй үйлдэл. Монгол Улсын Соёлын яам, улс төрийн арилжаа наймаагаар крандуулж очсон сайд нь талийгаачид хүндэтгэлтэй хандах наад захын ёс суртахуунгүй гэдгээ нотлов. Ёс суртахуунтай нийгэмд бол энэ сайд ажлаа өөрөө өгөх ёстой. Олон нийтээс уучлал гуйх нь тийм хэцүү гэж үү, Ж.Алдаржавхлан сайд аа?
төмсийн төмсөн толгойтой новш