Ерөнхий сайд Г.Занданшатарын танхимд өнгөрсөн жил Шадар сайдаар сайдаар ажиллаж байхдаа Засгийн газрыг огцруулах бичигт гарын үсэг зурж, чуулган дээр санал өгсөн С.Амарсайханыг хариуцлагын гэрээ зөрчсөн үндэслэлээр чөлөөлж байв. Өргөдлөө өгөөгүй хэрнээ өөрийнхөө ажиллаж байгаа Засгийн газрын эсрэг явсан анхны сайд болсон намтар түүнийх. Харин энэ удаа "Төрийн тусгай чиг үүргийг гүйцэтгэдэг, улс орны дотоод аюулгүй байдлыг хариуцсан салбар хэвийн үйл ажиллагаа явуулах боломжгүй болсон байна. Яригдаж буй асуудлуудын үнэн зөвийг тогтоотол холбогдох шат, шатны удирдлагуудтай Засгийн газар хамтран ажиллах боломжгүй" хэмээн Ерөнхий сайд Н.Учрал үзэж, түүнийг харьяа байгууллагын дээд, дунд шатны зарим удирдлагын хамт огцоуулах шийдвэр гаргалаа.
