С.Одонтуяа:
-"Өнөөдрийн байдлаар хүнсний аюулгүй байдлын асуудал бол хамгийн чухал зүйлүүдийн нэг. Тиймээс хэд хэдэн асуулт болон санал байна.
Нэгдүгээрт, саяхан хэвлэл мэдээллийн хэрэгслүүдээр гарсан мах, махан бүтээгдэхүүнд хиймийн бодис хийгээд гаргаж байгаа гэх мэдээлэл гарсан. Үүнийг эрүүгийн хуульд оруулах хэрэгтэй. Үүнийг зөрчлийн хуулиар торгоод байна. Ямар тохиолдолд эрүүгийн хуульд оруулж байна гэхээр амь нас хохирсон бол гэж байгаа юм. Химийн хор бол тэр дороо хүнд үйлчлэхгүй, олон жилийн дараа хавдар хэлбэрээр илэрнэ. Тиймээс үүнийг эрүүгийн хуульд оруулж, ялыг чангатгамаар байна.
Ямар заалтууд дээр вэ гэвэл, мах махан бүтээгдэхүүн болон хүнсний бүтээгдэхүүнд химийн бодис хийсэн хүмүүсийг шууд эрүүгийн хуулиар ял оноох хэрэгтэй.
Хоёрдугаарт, Хугацаа нь дууссан бүтээгдэхүүний хугацааг нь өөрчилдөг бүлэглэл үүссэн байна. Хувь хүмүүс, ААН-үүд байдаг. Энэ хүмүүсийг ч мөн эрүүгийн ял, эрүүгийн хуулиар шийтгэх ёстой. Ийм зүйлд оролцсон хүмүүсийг шийтгэхгүй бол бидний ходоод руу хоол биш хор орж байна гэдгийг хэлье" гэлээ.
