Цагдаагийн байгууллагад өнгөрсөн хоногийн хугацаанд гадаад улсад аялалд явах зорилгоор бусад руу мөнгө шилжүүлж залилуулсан гэх хоёр гомдол мэдээлэл бүртгэгджээ. Тодруулбал, энэ оны нэгдүгээр сарын 06-ны өдөр “Ажилчдаа аялалд явуулахаар 20 сая төгрөг төгрөг шилжүүлээд, залилуулжээ. Мөн түүнчлэн, нэр бүхий иргэн аялалд явахаар 36 сая төгрөг шилжүүлж ,залилуулсан” гэх гомдол мэдээллүүд цагдаагийн байгууллагад бүртгэгдсэн байна.
Сүүлийн жилүүдэд манай улсын иргэд өвлийн улиралд ялангуяа шинэ жилээр БНХАУ, Тайланд, Вьетнам зэрэг зүүн өмнөд Азийн улс руу аялал жуулчлалын шугамаар зорчих хөдөлгөөн нэмэгдсэн. Үүнтэй холбоотойгоор цахим орчинд гадаад улсад аялах иргэдийн хэрэгцээнд тулгуурлан залилах гэмт хэрэг ихэслээ.
Иймд гадаад улсад компаниар зуучлуулан аяллаар явах гэж байгаа бол тухайн байгууллагыг сайтар судалсны үндсэн дээр мөнгө шилжүүлэхийг Цагдаагийн ерөнхий газраас анхаарууллаа.
