Баянзүрх дүүрэг, 11 дүгээр хороо, “Асем вилла” хотхоны хойд талд “Туул” голын усанд иргэд автомашинтайгаа суусан тухай дуудлагыг 04:22 цагт хүлээн авсан.
Нийслэлийн аврах ангийн алба хаагчид 10 км замыг туулан 04:40 цагт очиход тус хотхоны хойд талд “Соната-6” загварын суудлын автомашин “Туул” голын салаанд усанд сууж, автомашины жолооч нийслэлийн Сонгинохайрхан дүүргийн харьяат иргэн /23 настай, эрэгтэй/ бүхээг дээрээ гарсан байсныг аврах завь ашиглан аюулгүй газарт гаргасан.
Эх сурвалж: ОБЕГ
