Горхи, Тэрэлжийн байгалийн цогцолборт газрын нөхцөл байдлын талаар Налайх дүүргийн Засаг дарга Ч.Раднаабазар: “Иргэдийг аялж, амьдрахад тав тухтай нөхцөлөөр хангахын тулд, төрийн үйлчилгээ хүргэхийн тулд хашаа, хайсыг буулгах шаардлагатай байна. Түймэр гарах, онцгой байдал үүслээ гэхэд машин явах орц, гарц байхгүй. Холбогдох байгууллагуудаас санал гарч, нэгдсэн төлөвлөгөө гаргана хэмээн Горхи, Тэрэлжийн байгалийн цогцолбор газрын тулгамдсан асуудлыг хөндөж байна. Тус газарт байрлаж буй амралт, сувиллын газрууд нь том том төмөр хашаагаар хүрээлүүлсэн бөгөөд үүний улмаас олон саад бэрхшээл тулгарах болжээ. Тухайлбал ан амьтан хашаанд нь сүлбүүлэх, айлын мал хашаанд гэдсээ хүүлэх зэрэг бэрхшээл гарч буй. Үүнээс гадна осол аваар, ой, хээрийн түймэр гарлаа гэхэд онцгой байдлын албан хаагч, машин техник өгсөх боломжгүй нөхцөл байдал үүсээд байна. Иймээс хашаа нэгдсэн арга хэмжээг Улаанбаатар хотоос гадна Горхи-Тэрэлжийн байгалийн цогцолбор газарт хэрэгжүүлэх шаардлагатай байгааг дурдлаа.
Налайх дүүргийн засаг дарга Ч.Раднаабазарын хэлж буйгаар Горхи-Тэрэлжийн байгалийн цогцолбор газраас Өдөрт 5-6 машин яваад ч хог ачиж буй гэнэ. Гэсэн ч иргэдийн ил задгай хаясан хог дийлдэхгүй байгааг анхаарууллаа. Иймд иргэд ухамсартай байж, хогоо буцаагаад авч явдаг соёлд суралцах шаардлагатай байна. Байгальд амарч зугаалчихаад хогоо хаяаад явдаг сэтгэхүйнээсээ бүгдээрээ салцгаая.
