Монгол Ардын нам Үндсэн хуулийн өөрчлөлтийг энэ зун хийнэ. Гэхдээ яг санасан хэмжээндээ хийж чадах уу? эсвэл үл хийх үү гэдэг эргэлзээ улс төрийн хүрээнд байсаар байна. Учир нь Үндсэн хуулийн нэмэлт өөрчлөлтийг дэмжиж буй ч гаднаа дэмжээгүй дүр эсгэх замаар албан тушаалын тохиролцоонд хүрэх гэсэн бүлэг, фракц тус нам дотор олон жигүүр ургуулан өндийж байна.
Тухайлбал Үнсэн хууль батлагчдийн холбоо гэх нэрийг барьж, хэдэн буурал толгойтой хөгшчүүл цэцэд хандана. Эсэргүүцэл илэрхийлнэ. Үндсэн хуульд гар хүрэх ёсгүй гэх мэтээр галзуурч, бачуурч эхэллээ. Тэд үнэн хэрэгтээ Засгийн газарт алба хашиж буй тэтгэврийн насны хэдэн өвөөгийн үүрэг болгосон дагуу ийм үйлдэл гаргаж байна гэх хардлагыг МАН-ын залуу улс төрчид гаргажээ.
Мөн нөгөө талд нь Үндсэн хуулийн өөрчлөлтийг хийх хэрэггүй. Юун гишүүний тоог нэмэх гэх мэтээр эсэргүүцлээ ил тод илэрхийлж эхэлсэн фракци бол Сү.Батболдын гэх тодотголтой хэсгийн төлөөлөл. Үүнд УИХ-ын гишүүн Д.Цогтбаатар өөрийн хувийн хуудсаараа дамжуулан уг эсэргүүцлээ илэрхийлэв. Түүний хувьд энэ үгээ өөрийн толгойгоор биччихсэн гэж итгэхэд бэрх юм. Улс төрд багаар тоглож, бас багаараа албан тушаалаас зууралдаад сурчихсан тэдний фракци яагаад ч зүв зүгээр ийм үйлдэл гаргахгүй. Ард нь Засгийн газарт шахалт үзүүлж, албан тушаалын тохиролцоон хийх гэсэн санаа цухалзаж буй бизээ.
МАН-ын дарга, Ерөнхий сайд Л.Оюун-Эрдэнэ, МАН-ын Ерөнхий нарийн бичгийн дарга Д.Амарбаясгалан нарын хувьд Үндсэн хуулийн өөрчлөлтийг эхлүүлэхээр зүтгэж байгаа. Тэд энэ зүтгэлээ цавчуулахгүйн тулд тохиролцох хэсэгтэйгээ тохиролцож, зугтах хэсгээсээ зугтааж, жийх хэсгээ жийх цаг болжээ Өөх ч биш булчирхай ч биш байдлаасаа салж зоригтой алхах цаг нь боллоо.
Нэгэнт бэлэн болсон төслөө заавал хойш тавьж суухын оронд өнөө маргаашгүй өргөн барьчих. нэн тэргүүнд журмын тухай хуулиа ярилцаад эхэлчих. Тэгж байтал дараа дараагийн хуулийн нөхцөл байдал тодорч эхлэх бус уу?