Сүүлийн жилүүдэд өөрөө жолооддог автомашины технологи эрчимтэй хөгжиж, дэлхийн томоохон автомашин болон технологийн компаниуд энэ салбарт их хэмжээний хөрөнгө оруулж байна.
Жишээлбэл, Tesla компанийн “Full Self-Driving” систем туршилтын шатандаа явж байна. Мөн
Waymo болон Cruise зэрэг компаниуд зарим хотод жолоочгүй таксины үйлчилгээ туршиж эхэлжээ. Тодруулбал, энэ чиглэлээр тэргүүлэгч компаниудын нэг нь Waymo компани нь АНУ-ын Phoenix, San Francisco зэрэг хотуудад жолоочгүй таксины туршилтын үйлчилгээг эхлүүлж, хэрэглэгчид гар утасны апп ашиглан такси дуудах боломжтой болсон байна.
Мөн Cruise компани San Francisco хотод автомат жолоодлоготой такси туршиж, зорчигчдыг жолоочгүйгээр тээвэрлэх технологийг бодитоор ашиглаж байна.
Мэргэжилтнүүдийн хэлснээр ийм автомашинууд нь камер, радар, лазер мэдрэгч (LiDAR) болон хиймэл оюун ухаанд суурилсан программ ашиглан замын нөхцөл байдлыг таньж, автоматаар жолоодох боломжтой байдаг.
Өөрөө жолооддог автомашины гол зорилго нь зам тээврийн ослыг бууруулах, замын хөдөлгөөний ачааллыг багасгах, мөн зорчигчдод илүү аюулгүй, тав тухтай үйлчилгээ үзүүлэхэд оршиж байна.
Гэсэн хэдий ч зарим улс оронд аюулгүй байдал, хууль эрх зүйн асуудал бүрэн шийдэгдээгүй тул ийм автомашинуудыг нийтэд бүрэн нэвтрүүлэхэд тодорхой хугацаа шаардлагатай гэж шинжээчид үзэж байна.
Судлаачдын таамаглаж буйгаар ойрын 10–20 жилийн хугацаанд өөрөө жолооддог автомашин олон хотын нийтийн тээврийн системд өргөн ашиглагдах боломжтой аж
