Хятадын эрдэмтэд аюулгүй, хүйтэнд тэсвэртэй, халуунд тогтвортой шинэ төрлийн батерей бүтээжээ
Хятадын Тяньжиний их сургуулийн профессор Шюй Юньхуагийн судалгааны баг Хуанань технологийн их сургуулийн профессор Хуан Фэйгийн судалгааны багтай хамтран шинэ төрлийн органик катодын материал боловсруулж уг зай хураагуурыг бүтээсэн байна. Уг зай хураагуур нь органик литийн батерейн цэнэг багтаамж бага, практикт хэрэгжүүлэхэд хүндрэлтэй зэрэг сул талыг нөхнө. Мөн өнөөдрийн түгээмэл литийн батерейн катод ихэвчлэн кобальт, никель зэрэг ашигт малтмалд тулгуурладаг нь нөөцийн хомсдол, өртөг өндөр, уян хатан бус зэрэг асуудалтай байдаг.
Энэ удаад судлаачид n-типийн дамжуулагч полимер катод болох poly(benzodifurandione) (PBFDO) материалыг ашиглан электрон ба литийн ионы “хамтран дамжих” чадварыг сайжруулж, нэмэлт дамжуулагч нэмэлт бодис шаардахгүйгээр өндөр дамжуулалт, хурдан ион дамжилт, өндөр хадгалах багтаамжийг зэрэг хангах шийдэл гаргасан байна.
Уг материалаар хийсэн 2.5Ah органик зөөлөн савлагаатай (pouch) батерей нь 255 Wh/кг энергийн нягтралд хүрч, −70°C-аас 80°C хүртэл өргөн температурын хүрээнд тогтвортой ажиллах боломжтойг судалгаанд онцолжээ. Мөн уян хатан байдал, аюулгүй байдлын үзүүлэлтээр давуу талтай гэж мэдээлсэн байна.
