Мексикийн хар тамхины томоохон бүлэглэлийн өшөө авах халдлагад өртөж 27 ажилтан нас барсан харамсалтай хэрэг гарчээ. “CJNG” бүлэглэл нь Мексикийн хар тамхи наймаалагч томоохон бүлэглэлүүдийн нэг аж.
Хар тамхи наймаалагч уг бүлэглэлийн тэргүүн цэргийн баривчлах ажиллагааны үеэр амиа алдсаны дараа тус бүлэглэл олон газарт өшөө авах дайралт хийж ийнхүү 27 хүнийг хөнөөсөн байна. Амиа алдсан хүмүүс аюулгүй байдлын ажилтнууд байжээ.
Мөн мөргөлдөөний үеэр зохион байгуулалттай гэмт бүлэглэлийн 30 гишүүн амиа алдсан байна. Мексикийн холбооны засгийн газрын зүгээс Халиско мужид аюулгүй байдлын нэмэлт хүчийг байршуулж, нөхцөл байдлыг шийдвэрлэхийн тулд үндэсний хэмжээний команд зохицуулалтын төв байгуулжээ.
Тус бүлэглэлийн ахлагч Немесио Осегуера Сервантес 22-нд Мексикийн цэргийн баривчлах ажиллагааны үеэр амиа алдсаны дараа тус бүлэглэлийн гишүүд зам хаахын тулд машинуудыг шатааж, худалдааны байгууламжийг түймэрдсэн юм.
