241 хүний амийг авч одсон Эйр Индиа онгоцны ослоос нэгэн британи эрамьд гарч ослын дараа түргэний тэрэг рүү алхаад явж байгаа бичлэг олныг гайхашруулаад байна. Вишвашкумар Рамеш нэртэй эр Лондонг зорьж явж байсан бөгөөд Боинг 787 онгоцны 11А суудалд сууж явжээ. Онгоц Энэтхэгийн баруун хэсгийн Ахмедабад хотоос хөөрснийхөө дараахан осолдсон ба Энэтхэгийн 169 иргэн, 52 британи, түүний дотор бусад бүх зорчигч болон багийн гишүүд амь үрэгдсэн гэж Air India мэдээлэв.
Ноён Рамешийн ах Наян Кумар Рамеш ВВС-д өгсөн ярилцлагадаа "Тэр яаж амьд үлдсэнийг мэдэхгүй. Тэр [Вишвашкумар] өөрөө яаж амьд үлдсэн, онгоцноос хэрхэн бууснаа мэдэхгүй байгаа. "Тэр бидэн рүү залгахдаа "Ажэйг ол, Ажэйг ол" гэж миний нөгөө ахын талаар илүү их санаа зовсон байдалтай байсан" гэжээ. Тэр нүүрэндээ бага зэрэг гэмтэл авснаас өөр ноцтой гэмтэлгүй байгаа юм. Олон нийтийн сүлжээгээр цацагдсан видео бичлэгт Рамеш түргэн тусламжийн машин руу алхаж, цаана нь ослоос үүдсэн утаа гарч байгааг харуулсан. Түүнийг Энэтхэгийн Дотоод хэргийн сайд Амит Шахтай эмнэлэгт эргэж очсон ба Рамешийг эмчилж байсан доктор Дхавал Гамети "Тэр чиг баримжаагаа алдаж, бие нь олон гэмтэлтэй байсан ч ноцтой аюул байхгүй" гэв. Энэтхэгийн хэвлэл мэдээллийн хэрэгслүүд түүний нэр, суудлын дугаар бүхий тасалбарыг олж дэлгэцгээж байна. Рамеш Энэтхэгт төрсөн ч 2003 оноос хойш Их Британид амьдарч буй бизнесмэн бөгөөд эхнэр, дөрвөн настай хүүтэй ажээ.
Онгоц Гужарат мужийн Ахмедабад хотод хөөрснөөс хойш нэг минут хүрэхгүй хугацаанд унасан ба одоогоор ослын шалтгаан тодорхойгүй байна.
Азтай залуу юм аа.
Ус уух хувьтай залуу юм аа