ОХУ-ын ерөнхийлөгч В.Путин энэ сарын 11-ний өдөр 2027-2036 он хүртэлх үндэсний зэвсгийн төлөвлөгөөний төслийг хянан хэлэлцэх хурлыг даргалах үеэрээ ОХУ хамгийн орчин үеийн зэвсгийн системийг бүтээхэд анхаарлаа хандуулах ёстой гэв.
ОХУ-ын ерөнхийлөгчийн цахим хуудсанд нийтэлсэн мэдээнд дурдсанаар, тэрээр үндэсний зэвсгийн шинэ төлөвлөгөө нь хамгийн орчин үеийн зэвсгийн системийг бүтээхэд чиглэх ёстой. Мөн хэрэгцээ шаардлагыг урьдчилан авч үзэж, шинэ зэвсгийн системийн бүтээн байгуулалтад зориулан бааз, зэвсгийн агуулах, нисэх онгоцны буудал зэрэг дэд бүтцийг бий болгох ёстой гэжээ.
ОХУ-ын үндэсний зэвсгийн төлөвлөгөөнд бидний одоогийн болон ирээдүйн хэрэгцээг хангахуйц хэмжээний, төрөл бүрийн зэвсэг, техникийг багтаасан байх ёстой.
Дотооддоо үйлдвэрлэсэн зэвсэг техникээс гадна найдвартай, үр дүн нь батлагдсан зэвсэг, техник хэрэгслийн экспортын боломжийг нэмэгдүүлэхийг В.Путин шаарджээ.
