БНХАУ-ын нийслэл Бээжин хотын төв цэг эртний барилга байгууламж, сүм хийд, цайз бүхий түүхэн дурсгалт бүс юм. Нэг ёсондоо хот доторх хот энд бий. Бээжингийн төв цэгээс хааш хаашаа 7,8 км урттай эртний хот 700 гаруй жилийн түүх өгүүлэн оршсоор байна. 1267 Юань гүрний Хубилай хааны үед энэхүү хотын тэнхлэгийг анх байгуулжээ. Энд Монголын Их Юань гүрэн, Хубилай хаан, монголчуудтай холбоотой Бөмбөрт асар, Хонхот асар гэх мэт түүхэн дурсгалт барилга, сүм цөөнгүй бий.
