Өмнөд Солонгосын дээд шүүх өнгөрсөн арванхоёрдугаар сард онц байдал зарлаж, улс орныг улс төрийн үймээн самуунд оруулсан Ерөнхийлөгч Юн Сук Ёолыг албан тушаалаас нь санал нэгтэйгээр өнөөдөр огцруулжээ. Түүнийг огцруулах шийдвэр нэн даруй хүчин төгөлдөр болж Юн тэр даруй ерөнхийлөгчийн ордонг орхисон байна.
Ерөнхий шүүгчийн үүрэг гүйцэтгэгч Мүн Хён Бэ шүүх хурлын үеэр “Ерөнхийлөгч дайны байдал зарлах албан ёсны үйл явцыг зөрчиж, хууль тогтоогчдын эрхэнд халдаж, зэвсэгт хүчний тэргүүн байх үүргээ хөсөр хаяж “ард түмний итгэлээс урвасан” гэж мэдэгдсэн байна.
Уг шийдвэрийн дараа Юн, ерөнхийлөгчөөр ажиллах нь нэр төрийн хэрэг байсан . Та бүхний хүлээлтэд хүрч чадаагүйдээ харамсаж байна" гэж хэлжээ.
Өмнөд Солонгосын хуулийн дагуу Юныг огцруулснаас хойш 60 хоногийн дотор шинэ ерөнхийлөгчийг сонгох бүх нийтийн сонгууль явуулах ёстой. Тус улсын дараагийн ерөнхийлөгчид нэр дэвших боломжит хүмүүсийн нэг бол сөрөг хүчний удирдагч, хуульч асан, 2022 оны ерөнхийлөгчийн сонгуульд Юнд арайхийн ялагдсан Ли Жэ Мён юм.
Ерөнхийлөгчийн үүрэг гүйцэтгэгч Хан Дак Сү сонгуулийн товыг 10 хоногийн дотор зарлах ёстой аж.
