"Монгол 98" нэгдлийн залуус спортын таван төрлөөр өрсөлдлөө

Ерөнхий боловсролын сургуулийг 1998 онд дүүргэсэн залуусын "Монгол 98" нэгдлийн энэ жилийн спортын наадам энэ сарын 26-27-нд болж өндөрлөлөө. Монголын хамгийн олон төгсөгчтэй "Өнөр бүл"-ийнхэн спортын таван төрлөөр өрсөлдөж, шилдгүүдээ тодруулсан юм. "Монгол 98" нэгдлийг үүсгэн байгуулагчдын нэг, Дундговь аймгийн төгсөгч Ц.Лувсанжав агсны нэрэмжит тэмцээнд 20 аймаг, нийслэлийн 1 дүүргийн 21 баг, нийт 1000 орчим тамирчин хурд хүч, ур чадвар, авхаалж самбаагаа сорин өрсөлдлөө. Тэмцээнд дараах баг, тамирчид амжилт гаргаж, медалийн тавцанд зогслоо. Энэхүү наадмыг 3 дахь жилдээ зохион байгуулж байгаа бөгөөд энэ жил спортын таван төрлөөр өрсөлдсөнөөрөө онцлог байлаа.