Японы мэргэжлийн сүмогийн арваннэгдүгээр сарын тэмцээн Кюүшюү башё үргэлжилж байна. Башёг их аварга Тэрүнофүжи Г.Ган-Эрдэнэ 13 даваатайгаар өвдөг шороодолгүй тэргүүлж буй. Түүний араас 12 даваа, нэг унаатайгаар маэгаширагийн баруун жигүүрийн 15 дахь бөх Аби, 11 даваа хоёр унаатайгаар баруун жигүүрийн озэки Такакэйшо нар нэхэж байгаа юм. Өнөөдөр башёг тэргүүлж буй хоёр сүмоч буюу их аварга Тэрүнофүжи, маэгашира Аки нар оноолт тааран барилдана. Тэрүнофүжи учраагаа давах аваас тэмцээн дуусахаас нэг өдрийн өмнө башёд түрүүлж, эзэн хааны цомыг зургаа дахь удаагаа гардан авах болзлоо хангана. Харин өвдөг шороодох аваас хоёр бөхийн даваа унаа тэнцэж, маргаашийн барилдааныг хүлээх юм.
