БНСУ-ын Сөүл хотын Итэвон гудманд болсон хэллоуний баярын үеэр 154 гаруй хүн нас барсан харамсалтай хэрэг энэ сарын 29-ний орой болсон. Хэллоуний фэстиваль тэмдэглэхээр 100 мянган хүн цугласан ба давчуу, уруу байрлалтай гудамжинд олон мянган хүн цугларч шахцалдан дарагдаж, мөн агаарын дутагдлын улмаас нас барсан билээ.
Хамгийн сүүлийн мэдээгээр 154 хүн нас барж, 133 хүн гэмтсэн байна. Нас барагсдын 26 нь гадаадын хүн бөгөөд, дунд ангийн нэг, ахлах ангийн таван сурагч амиа алджээ. Мөн залуу жүжигчин, олны танил хоёр хүн нас барсан байна.
Баяр болссон гудам богино, нарийн ердөө 41 мерт урттай, 3.2 метрийн өргөнтэй аж. Аймшигт нөхцөл байдлаас амьд үлдсэн 20 настай залуу Ёнхап агентлагт өгсөн мэдээлэлдээ, надад яг л 50 хүний биеэр даруулсан юм шиг л тийм хүнд даагдахгүй мэдрэмж төрсөн. Нэг ч гэсэн хүний амийг аврах юмсан гэж бодогдсон, нэг хүнийг хүмүүсийн дороос татаж гаргаж чадсан. Тэр хавьд байгаа хүмүүс энэ бүндийг хэллоуний баярын үзүүлбэрүүд гэж бодоод байсан. Бүр аврах албаныхан ирээд, хүмүүсийн зүрхийг ажилуулахаар оролдож байхад ч , хүмүүс амь авраарай гээд орилоод байхад ч үзүүлэн тоглолт л гэж бодсон гэж хэлжээ. 18 настай нэгэн залуугийн тодорхойлсноор осол болсон гудам яг л дайны талбар шиг харагдсан гэнэ. Энд тэндгүй амьгүй болсон цогцос, хиймэл амьсгаа хийж буй аврагчид... гэжээ. 36 настай хятад иргэн, гэнэт л хаашаа ч гарах гарцгүй болж шахалдан амьсгалж чадахаа больсон. Нэг мэдэхэд би нэгэн хүний дор хэвтэж буйгаа мэдээд сэргэсэн гэж ярьжээ.
Сонали Мадане гэх 29 настай оюутан '' Бид найзуудынхаа хамт 9:45 цагт Этавонд очсон. Хагас цагийн дараа аймшигт нөхцөл байдал эхлэсэн байх. Би клуб дотор байж байгаад чимээнээр гарсан. Хүмүүс бөөгнөрсөн хүмүүсийн чимээ шуугианыг алсаас хараад хэн нэгэн бөмбөг дэлбэлчихэв үү, ямар нэг супер од ирж байгаа байх гэх зэргээр таамаглаж байсан. Таван минутын дараа аврах албаныхан ирж бидэнд юу болсныг тайлбарлаад заавар чиглэл өгсөн, хүмүүс гудманд олноороо хэвтэж бүгдэд нь хиймэл амьсгаа хийж байсан. Метро нөхцөл байдлаас шалтгаалан зогссон байсан тул бид ресторанд орж хэсэг суусан гэжээ.
Гамшигт нөхцөөл байдлын дараа Этавон гудам дахь баар, үйлчилгээний газрын бүх л ажилчид аврах албаныхантай хамт хүмүүсийг аврах ажиллагаанд тус нэмэр болон ажилласан байна.