2023 оны тавилгын шинэ чиг хандлагыг интерьер дизайнерууд тодорхойлжээ. Тэдний таамагласнаар ирэх онд хурц ирмэггүй дугуй булан, зөөлөн ирмэг, нуман хэлбэртэй бүх төрлийн тавилгууд интерьер дизайны хувьд эрэлттэй мэдрэмжтэй сонголт байх ажээ. Ийм хэлбэрийн тавилгууд 2022 онд интерьер дизайнд орж ирсэн. 2023 онд илүү тодоор интерьерт тусгагдана гэж мэргэжилтнүүд дүгнэж байна. Нуман хэлбэрийн арк, өнцөгийг дугуйруулсан шүүгээ, бандгар бөөрөнхий буйдан, сандал гээд л ширээний хөлийг хүртэл энгийн шулуун биш нуман хэлбэртэй хийсэн байх жишээний. Өнгөний хувьд байгалийн зөөлөн дулаан өнгөнүүд, шохойн буюу пастель төрлийн өнгөнүүд, мөн нэг хэсэг эрэлтээс гараа байсан гүн бор шоколадан өнгө эргэж ирнэ гэжээ. Хурц ирмэг, өнцөггүй тавилгууд өрөөнд илүү зөөлөн дулаан уур амьсгал оруулдаг байна. Гэхдээ мэдээж өрөөний тавилга бүр нумарсан, өнцөггүй, дугуйрсан байж болохгүй. Дизайн нь үргэлж тэнцвэртэй байх шаардлагатай байдаг тул хэрэв та нуман хаалга хийж эхэлбэл тэдгээрийг тэнцвэржүүлэхийн тулд шугаман элементүүдийг нэмж оруулаарай гэж "Urbanology Designsу" компанийн дизайнер Жинжер Көртис зөвлөв. Яагаад энэ төрлийн тавилга ирэх оны трэнд болж байгааг доорх зургууд танд бэлхэнээ харуулах биз ээ.
