Улаанбаатар төмөр замын Ерөнхий хорооны хурлыг энэ сарын 24-нд хийхээр товложээ. Энэ хурлаар УБТЗ-ын даргыг шинээр эцэслэн томилохоор талууд тохирсон гэдгийг Зам тээврийн хөгжлийн сайд Л.Халтар мэдэгдлээ. Энэ байгууллагын 51 хувийг Монгол Улс, 49 хувийг ОХУ эзэмшдэг. Тиймээс УБТЗ-ын даргаар сүүлийн жилүүдэд монгол хүн томилсоор ирсэн. Энэ удаад Монголын талаас санал болгосон хэд хэдэн хүнийг Оросын тал зөвшөөрөлгүй буцаасан гэх мэдээлэл цацагдсан. Юутай ч олны анхаарлын төвд байнга байдаг УБТЗ-ын даргыг энэ сарын 24-нд тодруулах ажээ.
