Хэргийн талаар ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүү:
-"Залуучуудын үзэл бодлоо илэрхийлэх жагсаж цуглах эрхийг бид бүрэн нээлттэй орхисон. Цагдаагийн байгууллагын зүгээс өчигдөр бүрэн хяналт тавьж ажиллаа. Жагсаал цуглааны бүтэц 19.00 цагаас хойш өөрчлөгдсөн. Өглөө жагсаж байсан залуучууд шингэрч орой зарим залуусын зорилго жагсаалын бүтэц өөр болж эхэлсэн. Мөн цагдаагийн байгууллагын үйл ажиллагаанд саад учруулж эхэлсэн. Шаардлагыг биелүүлээгүй. Алба хаагчдын тавьсан хууль ёсны шаардлагыг эсэргүүцсэн. Архидан согтуурсан залуучууд, өсвөр насны, насанд хүрээгүй иргэд их байсан. Цагдаагийн албан хаагчийн биед халдсан. Улсын онцгой обеъктод халдсан. Төрийн тусгай хамгаалалттай бүс Их Тэнгэрийн аманд очиж жагсаалаа үргэлжлүүлсэн. Хууль ёсны тавьсан шаардлагуудыш биелүүлээгүй. Ийм учраас шөнө 04.00 цагт жагсаалыг албадан тараасан.
-19 иргэнээс согтолтын зэрэг тогтоогдсон. 20 иргэнийг түр саатуулж шалгалт үргэлжилж байна. Өсвөр насны хүүхэд мөн биш гэдгийг хүн болгоны бичиг баримтыг шалгах боломж байгаагүй. Үзэмжийн асуудал. Буруу хараад зүгээр зогсож байсан хүмүүсийг гуд татаад аваад явсан зүйл байхгүй.
-18.00 цагаас хойш мөн замын хөдөлгөөнийг хааж эхэлсэн бүр 4 уулзварыг. Тухайн үед Сүхбаатар дүүргийн 1-р хэлтсийн таваас зургаан цагдаа нар л жагсагчидтай хамтран ажиллаж байсан. Жагсаалын бүтэц өөр болж машин хүн хоёр нь холилдоод эхэлсэн. 23.00 цагаас хойш жагсаалын нөхцөл байдал хүнд болж эхэлсэн.
-Жагсаал цуглааныг буруу тийш нь чиглүүлэх хэсэг хүмүүсийг саатуулсан.
-Шүршдэг машины талаар үнийг нь бол мэдэхгүй 2012 онд 10 жилийн өмнө авсан машин.
-Жагсагчийг дэвсэлж байгаа дүрс бичлэгийн талаар цагдаагийн алба хаагчийг албаны шалгалт хийж байгаа.
-Төрийн ордноос согтуу гарч ирсэн гэгдэж байгаа хүний асуудал дээр тандагч багажаар үлээлгэхэд тэр хавь орчимд согтууруулах ундаа хэрэглэсэн хүн байна гэж заадаг. Тэр хүнийг нь тогтоохын тулд Dragger багаж ашиглаж үлээлгэдэг. Тэр хүнээс 0 буюу согтууруулах ундаа хэрэглээгүй гэж гарсан. Албаны шалгалт бас хийгдэж байгаа.
-Саатуулсан хүмүүсийн дунд 5 хүүхэд 4 эмэгтэй бусад нь залуучууд 19 хүн согтуу байсан. Хорьсон зүйл байхгүй. Тайлбар авна. Тайлбар аваад дуусч байгаа байх" гэж сэтгүүлчдийн асуусан асуултад тайлбар өглөө.
