Тайвань арлын хоолойн эсрэг талд байрлах Хятадын Фужиан мужид DF-16 баллистик пуужин харвагч байгааг олон нийтийн сүлжээ хэрэглэгчид мэдээлжээ. Түүнчлэн гэрчүүд цэргийн байгууламж, тухайлбал галт тэргээр тээвэрлэж буй танкуудын гэрэл зураг, бичлэгийг хуваалцсан гэж РИА Новости мэдээллээ.
Үүний зэрэгцээ, олон нийтийн сүлжээний зарим хэрэглэгчид энэ нь стратегийн ач холбогдолтой мэдээллийг дайсандаа дамжуулахтай адилтгаж болох тул цэргийн техник хэрэгслийн хөдөлгөөнийг харуулсан бичлэгийг нийтлэхгүй байхыг иргэддээ уриалж байна.
БНХАУ-ын цэргийн ажиллагаа нь АНУ-ын Төлөөлөгчдийн танхимын дарга Нэнси Пелоси Тайваньд айлчлахтай холбоотой юм. Тэрбээр Тайванийн хууль тогтоох Юань буюу парламентад зочлохоос гадна арлын удирдлагууд, тэр дундаа засаг захиргааны тэргүүн Цай Ин Вэнтэй уулзалт хийх гэж байна.
АНУ-ын Төрийн нарийн бичгийн дарга Энтони Блинкен өмнө нь хэлэхдээ, Пелоси Тайваньд айлчлах юм бол хурцадмал байдал үүсгэсний хариуцлагыг Хятад хүлээх болно. Пелоси аралд зочлох шийдвэрийг өөрөө гаргана гэж дипломатч онцолсон юм. Түүний хэлснээр Америкийн Конгресс бол бие даасан бүтэц юм.
Эх сурвалж: NEWS.ru
