Иргэний нисэхийн ерөнхий газар (ИНЕГ)-ын удирдлагууд Яармагийн авто замд явган хүний нүхэн гарц барьж байгаагаас үүдэн замын хөдөлгөөний ачаалал эрс нэмэгдэж, түгжрэл үүсэж буй тул шийдэл гаргаж, ажлын эхлэх, тарах цаг хугацаандаа оновчтой өөрчлөлт оруулжээ.
Тухайлбал, ИНЕГ, түүний харьяа салбар, нэгжид мөрдөгдөж буй ердийн ажлын цагийг өнөөдрөөс буюу 2022 оны наймдугаар сарын 03-ны өдрөөс эхлэн ажлын цагийг 07:30-16:30 болгон өөрчлөөд байна.
Наадамчдын гудамж, Яармагийн авто замд явган хүний нүхэн гарц барих ажлын хүрээнд үндсэн нүхэн гарцын угсралт, орох гарах гарцын хайрцгийн арматур зангидах болон шалны арматур зангидах ажлуудыг одоогоор хийж дуусгаад байгаа аж.
