Хэрэв та 13 хүртэлх насны хүүхдүүдтэй бол Фэйсбүүкийн хүүхдэд зориулсан мессенжер аппликэйшныг хэрэглэхийг зөвлөж байна. Ингэснээр аливаа төрлийн эрсдэл, гэмт хэрэг зөрчлөөс урьдчилан сэргийлэх боломжтой.
Messenger Kids гэдэг нь 13-аас доош насны хүүхдүүдэд зориулсан Facebook-ийн үнэгүй мессежний программ юм.
Таны хүүхэд Facebook хаягтай байх шаардлагагүй бөгөөд хүүхдийнхээ профайлыг эцэг эхийн Facebook хаягтай холбож болдгоороо давуу талтай.
Messenger Kids нь хүүхдийн сонирхол татахуйц нэмэлт тохиргоотой.
Үүнд:
Амьд зургийн шүүлтүүр
Дүрсээ харж ярих
Хөдөлгөөнт зураг болон бусад зураг явуулах гэх мэт
Тус программыг ашигласнаар эцэг эхчүүд хүүхдийнхээ мэссэнжирээр харилцаж болох хүмүүсийг зөвшөөрөх, танихгүй хүнтэй чатлах болон хүүхдэд хэрэглэхийг хориглосон контентыг хязгаарлаж болдог байна.
Та хүүхдийнхээ мэссэнжирт дээрх аюулгүй тохиргоо хийсэн ч гэсэн Facebook таны хүүхдийн мессежний мэдээллийг цуглуулж, хадгалдаг гэдгийг санаарай. Мөн чатаар харилцсан мэдээлэл олон нийтэд тараагдах эрсдэлтэй анхаараарай.
Иймээс эцэг эхчүүд та бүхэн хүүхэдтэйгээ сайн ярилцаж, Facebook-ийн мэссэнжирээр элдэв зохисгүй зураг, бичлэг дамжуулахгүй байх, бүдүүлэг үг ашиглахгүй байхыг анхааруулаарай.
