Дорнод аймгийн Хэрлэн сумын “Хэрлэн" голд 5 хүүхэд орж байснаас 2 хүүхэд 09:20 цагийн
орчимд живсэн тухай дуудлагыг 07.21-ний өдрийн 09:25 цагт Онцгой байдлын алба хүлээн
авсан байна.
Дуудлага мэдээллийн дагуу тус аймгийн Онцгой байдлын газрын Эрэн хайх, аврах ангийн
алба хаагчид 2.5 км замыг туулан 09:31 цагт очиж, “Хэрлэн" голд эрэн хайх ажиллагааг зохион
байгуулан 11:53 цагт тус сумын 1 дүгээр багийн “Станцын далан” гэдэг газарт усны мандал
дээр байсан 16 настай хүүгийн цогцсыг, тус багийн “Ялалтын гүүр" гэдэг газрын усны мандал
дээр байсан 14 настай хүүгийн цогцсыг 20:45 цагт олж гарган Цагдаагийн байгууллагад тус тус
шилжүүлэн өгчээ
