Залуу сайд З.Мэндсайханы Засгийн газраар дэмжүүлж батлуулсан бодлого, дэмжлэг ирэх намар эздэдээ үр өгөөжөө бодитоор өгч эхэлнэ. Тухайлбал, Хүнсний ногооны тариалан эрхлэгчдийн тухайн жилийн ургацаас зах зээлд худалдан борлуулсан стандартын шаардлага хангасан хүнсний ногоонд тонн тутамд 100 мянган төгрөгийн мөнгөн урамшууллыг олгоно. Өвлийн хүлэмжийн аж ахуйд цахилгааны хөнгөлөлт үзүүлж байгаа хугацааг жил бүрийн 10 дугаар сарын 15-наас 5-р сарын 1, цагийн хуваарийг оройн 18.00 цагаас өглөөний 06.00 цаг болгож уртасгах шийдвэр гарсан.
Эх орны хөрсөнд тарьж ургуулсан хүнсний 10 төрлийн ногооны тонн тутамд төсвөөс 100 мянган төгрөгийн урамшуулал олгож эхлэхээр үндэсний үйлдвэрлэл хөл дээрээ зогсож, хүнсний аюулгүй байдал сайжирч, үнийн өсөлтөөс урьдчилан сэргийлэх хамгаалалт болно. Нэмээд ургац хураалтын үеэр шатахууны үнэд хөнгөлөлт үзүүлэхээр шийдсэн нь Ерөнхийлөгчийн эхлүүлсэн Хүнсний хувьсгалын хурдыг нэмж, үйлдвэрлэгч, хэрэглэгчдийг үнийн өсөлтөөс хамгаалсан оновчтой зохицуулалт боллоо. Хүнс үйлдвэрлэгчдэд ийм л бодитой дэмжлэг дутагдаж байв. Нийслэлд шинэ ургацын төмс борлуулагдаж эхэлснээр галзуурсан үнэ номхорч эхэлжээ.