Улаанбаатар хотын гэр хороололд 250 гаруй мянган өрх амьдардаг. Өвлийн хахир цагт дээрх өрхүүд дулаан байхын тулд түлшний дугаарлалт, модны хомсдолд орох болжээ. Сайжруулсан шахмал түлшинд нэг хэсэг дугаарлаж, олдохгүй хүндхэн байсан. Зохих арга хэмжээг Таван толгой түлш ХХК авсны хүчинд сайжруулсан түлшний олдоц хэвийн болсон байна.
Гэвч гэр хорооллын өрхүүдэд дахиад л хүндрэл үүсч эхэлжээ. Эрээн-Замын-Үүд чиглэлийн хил хаасантай холбоотойгоор олон бүтээгдэхүүний хомсдол үүсээд байгаа. Тус хомсдлын нэг нь модны шуудай болжээ. Хил хаахаас өмнө ширхэг нь 350 төгрөгийн үнээр модны шуудайг борлуулж байжээ.
Гэтэл өнөөдөр модны шуудайны үнэ 350 төгрөгөөс 1000 төгрөг болж нэмэгджээ. Ингэснээр түлшний мод 5500 төгрөг байсан мод шууд 7500 төгрөг болж өссөн байна. Иргэд сайжруулсан шахмал түлш өрхийн долоо хоногийн хэрэгцээнд хангалтгүй олгож байхад модны үнэ өссөнд дургүйцэж байгаагаа илэрхийлж байгаа юм.
