БНХАУ-аас НҮБ-д суугаа суурин төлөөлөгч Жан Жүнь энэ сарын 28-ны өдөр НҮБ-ын Аюулгүйн зөвлөлийн Украины асуудлаарх нээлттэй хурал дээр үг хэлж, Украины хямралаар шалтаг болгон бүлэглэлийн сөргөлдөөн, "шинэ хүйтэн дайн" үүсгэх өдөөн хатгалга хийхгүй байхыг НАТО-оос шаардаж байна гэжээ.
Жан Жүнь хэлэхдээ, дэлхийн энх тайвныг эрхэмлэгч бүх улс орон, ард түмний нэгэн адил Хятад улс ч НАТО-гийн стратегийн зохицуулалтад анхаарал хандуулж, НАТО-гийн "стратегийн үзэл баримтлал" гэгч баримт бичгийн бодлогын үр дагаварт гүнээ санаа зовж байна. НАТО-гийн зарим удирдагчид бусад улс орнуудад аюул заналхийл авчирч байгаа нь үнэн хэрэгтээ НАТО өөрөө дэлхий даяар асуудал үүсгэж байна. Украины хямралаар шалтаг болгож, дэлхий дахинд бүлэглэлийн сөргөлдөөн үүсгэн, "шинэ хүйтэн дайн"-ыг өдөөж, Ази Номхон далайн бүс нутагт зохиомол зөрчил хайн, зөрчил маргаан, хагарал бутрал үүсгэхгүй байхыг Хятад улс НАТО-оос шаардаж байна гэжээ.
Зарим хүчин НАТО-г Ази, Номхон далайн бүс нутаг руу хүчээ өргөжүүлэхийг өдөөн турхирах эсвэл "НАТО маягийн Ази, Номхон далайн хувилбар"-ыг нэгтгэхийн тулд цэргийн эвсэлд нэгдэхийг найдаж байгааг Хятад улс эрс эсэргүүцэж байна. Ази, Номхон далайн бүс нутгийн орнууд хялбархан бус ирсэн энх тайван, хөгжил цэцэглэлээ эрхэмлэж, харилцан ашигтай хамтын ажиллагаа, хамтын хөгжил, сэргэн мандлыг эрэлхийлсээр байна. Харин түүхийн цаг эрний урсгалын эсрэг явахыг оролдогсдод ирээдүйгүй нь лавтай гэж Жан Жүнь онцолжээ.
