ХБНГУ-д болсон "G7"-ын дээд хэмжээний уулзалт гурван өдөр үргэлжилж өчигдөр буюу зургадугаар сарын 28-ны өдөр өндөрлөлөө. Уулзалтаар "G7" нь дэлхийн асуудлыг шийдэж чадахгүй хэмээн олон улсын улс төрийн зүтгэлтнүүдийн шүүмжлэлд өртжээ. Уулзалтын үеэр, улс орнуудын удирдагчид Украины нөхцөл байдал, уур амьсгалын өөрчлөлт, байгаль орчныг хамгаалах, эдийн засгийг сэргээх, нийлүүлэлтийн гинжийн хэлхээний шинэчлэл, тахлын эсрэг тэмцэл зэрэг сэдвийн хүрээнд ярилцсан байна. Мөн ОХУ-ын эсрэг авах хориг арга хэмжээг чангатгаж, Украинд шаардлагатай санхүү, хүмүүнлэг, цэргийн дэмжлэг туслалцаа үзүүлнэ гэдгээ "G7" илэрхийлсэн байна.
Одоогийн байдлаар "G7" нь дэлхийн нийт хүн амын дөнгөж 10 хувийг эзэлдэг, хэрэв олон улсын хамтын нийгэмлэгтэй хамтран ажиллах цар хүрээгээ тэлэхгүй бол уг байгууллага дэлхийн асуудлыг шийдэж чадахгүй гэж зарим ажиглагч үзэж байна. "G7" амлалтаа үнэнхүү биелүүлэх эсэх нь хараахан харагдахгүй байна гэж зарим ажиглагчид онцолжээ.
Уг дээд хэмжээний уулзалтын үеэр, Мюнхен болон уулзалт болсон газрын ойр хавиар жагсаал цуглаан болж, сүр үзүүлэгчдээс барууны томоохон аж үйлдвэрийн орнуудыг Украины нөхцөл байдал, хүнсний хямралыг хурцдуулсан, мөн сүүлийн үеийн үнийн өсөлтийг бий болгосон хэмээн зэмлэн буруушааж байгаагаа илэрхийлж байв.
