Элсэлтийн Ерөнхий шалгалтад орсон шалгуулагчдаас 800 оноог бүхэлд нь авч байсан сурагчдийн тоог эхлээд танилцуулая.
- 2019 онд -109
- 2020 онд -182
- 2021 онд -209
- 2022 онд -208 нь тус тус 800 оноо авсан талаар БШУЯ-наас мэдээллэв. 2022 оны онцлог нь Орос хэлний хичээл дээр 67 шалгуулагч, математикийн хичээл дээр 31 шалгуулагч 800 оноо авч өмнөх жилүүдээс амжилт ахисан үзүүлэлт гарчээ. Математикийн хичээл дээр гэхэд 800 оноо авсан 31 шалгуулагчийн 10 нь шалгалтын материалын 100 оноогоо бүтэн авсан нь том амжилт гэв.
Боловсрол шинжлэх ухааны сайдын тушаалаар их, дээд сургуульд элсэх ЭЕШ-ын үндэсний босго оноог 2022 онд дараах байдлаар тогтоож өгөөд байна. Үүнд:
- Их сургуулийнх 480,
- Дээд сургуулийнх 440,
- Орон нутгийн сургуулийнх 410 байх юм.
Улсын хэмжээнд сонгож шалгалт өгсөн бүх хичээлээрээ 400-аас бага оноо авсан шалгуулагч 1,355 байгаа юм байа. Эдгээр хүүхэд ямар нэг их дээд сургуульд элсэн суралцах боломжгүй болж байна аа. Харин 480-аас бага оноо авсан шалгуулагч 7,333 байгаа гэнэ. Эдгээр сурагчид нь орон нутгийн эсвэл дээд сургуульд элсэн суралцах боломж нь бүрдэж буй юм. 480 онооны босго давч, шалгалтаа амжилттай өгсөн 24,693 шалгуулагч байна. Эдгээр шалгуулагч нар их сургуульд элсэн суралцах боломжтой болж байгаа юм.
