Ардчилсан намын XIV их хурал ирэх сарын 2-ны өдөр буюу бямба гарагт болох тов гарсан байна. Энэ тов хэзээ гарсан, ямар шийдвэрээр гарсан талаар АН-ын зарим гишүүд тодруулж байгаа гэнэ. Иймд энэ асуултад хариулалт өгөх зорилгоор АН-ын арга С.Эрдэнэ өөрийн цахим хуудсаар дамжуулан дараах байр сууриа илэрхийллээ.
С.Эрдэнэ: “Хүн бүр хүсэл мөрөөдөлтэй, өрх бүр аз жаргалтай амьдрах хөгжлийн боломжийг дэмжсэн, иргэд нь эрх чөлөөтэй, эрх тэгш, хариуцлагатай, ардчилсан Монгол Улс хувь хүний эрх чөлөө, эдийн засгийн эрх чөлөө, улс төрийн эрх чөлөө, шударга ёсны эрх чөлөө, үндэсний эрх чөлөөг эрхэмлэн дээдлэгч, үнэт зүйлс үзэл баримтлалыг нутагшуулан бэхжүүлэхээр Ардчилсан хувьсгал өдгөө олон намын тогтолцоог бий болгож дэлхийн даяаршилтай хөл нийлэн нийгэмшиж даруй 30 жилийг үджээ. Ардчилсан нам энэ хугацаанд бүх шатны намын шинэчлэл, хүний нөөцийн эргэлтийг дотоод сонгуулиараа шийдэн, улс төрийн байр сууриа илэрхийлэх, төр засгийн бодлого шийдвэрийг дүгнэх, засаж залруулахад оролцох оролцоогоо хангасаар ирсэн билээ. Иймд Ардчилсан нам Монгол Улсын нийгэм, эдийн засаг, улс төрийн тогтвортой байдлыг хангах, тулгамдаж буй асуудлыг шийдвэрлэхэд улс төр, сөрөг хүчний байр суурь, ардчилсан зарчмыг илэрхийлэх, хүний эрх, эрх чөлөөг хамгаалах, Ардчилсан намын анхан болон дунд шатны байгууллагуудын үйл ажиллагааг идэвхжүүлэх, зорилгын хүрээнд Ардчилсан намын XIV их хурал 2022 оны долдугаар сарын 2-ны өдөр Улаанбаатар хотноо зохион байгуулагдах гэж байна. Ардчилсан намын XIV их хуралд Монгол Улсын 21 аймаг, 9 дүүрэг, 330 сумын мянга гаруй төлөөлөгч оролцоно. Ардчилсан намын мянга мянган гишүүд дэмжигчид та бүхэн тусгаар улсынхаа үзэл бодол, зарчим, ёс зүйт төрийн хөгжлийг, бодлого шийдэл, шинэ боловсон хүчин буй болгохын төлөөх тууштай хичээл зүтгэл, тулхтай хүсэл мөрөөдөл, тэмүүллээрээ туг хийн “Үнэт зүйл, үзэл баримтлал” дээрээ нэгдэхийг уриалж байна” хэмээн өөрийн цахим хуудсанд бичжээ.
Ийнхүү хоёр тал болж талцаж буй тус намын хувьд нэгдэх үү эсвэл бутрах уу гэдгийг энэ удаагийн их хурал шийдвэрлэх болж байна:. С.Эрдэнэ гэдэг дарга намынхаа жинхэнэ дарга хэвээрээ буй. Дээд шүүхээс түүнийг дарга гэж хэд хэдэн удаа баталгаажуулчихсан. Иймд С.Эрдэнэ гэдэг эрхмээс хэн намын тамга гардан авч 2024 онд намаа толгойлж орох нь асуултын тэмдэг хэвээрээ байна. Энэ асуултын хариулалтын бид энэ 7 хоногийн бямба ням гарагт авах нь ээ.
