ЭХЯ: “10 аймгийн төвийн дулааны станц барих” төслийн ажил Хэнтий, Сүхбаатар аймгуудад эхэллээ.“Алсын хараа 2050”, Монгол Улсын урт хугацааны хөгжлийн бодлогын хүрээнд хүрээлэн буй орчны тогтвортой байдлыг хадгалах, уур амьсгалын өөрчлөлтийг сааруулах, хот суурин газрын дулаан хангамжийн хүртээмжийг сайжруулах зорилгоор БНСУ-ын Засгийн хөнгөлөлттэй зээлийн хөрөнгөөр 10 аймгийн төвд дулааны станц, шугам сүлжээ барих төслийг хэрэгжүүлж байна. Хэнтий, Сүхбаатар, Завхан, Говь-Алтай, Баянхонгор, Өвөрхангай, Говьсүмбэр аймгийн барилга угсралтын ажлын гүйцэтгэгчээр БНСУ-ын “Бьюксан инженеринг” компани шалгарсан. Төслийг 26 сарын хугацаанд хэрэгжүүлж 2024 оны халаалтын улирал эхлэхээс өмнө ашиглалтад өгөхөөр төлөвлөж байна.
