Зам, тээврийн хөгжлийн сайд Л.Халтар Бүгд Найрамдах Итали Улсаас Монгол Улсад суугаа сайд Лаура Боттаг өнөөдөр /2022-04-28/ хүлээн авч уулзав.
Сайд нар хоёр талын тээврийн хамтын ажиллагааны өргөн хүрээтэй асуудлаар солилцож ярилцсаны дотор хоёр улсын хооронд байгуулахаар хэлэлцэж буй Олон улсын автотээврийн хэлэлцээр, агаарын харилцааны тухай хэлэлцээрийн ажлыг идэвхжүүлэх, мөн далайн тээврийн чиглэлээр холбогдох байгууллагууд хоорондын хамтын ажиллагааг хэрэгжүүлэх асуудлаар хөндөж ярилцлаа.
