Иргэдэд тоон гарыг үсгийг 5 сарын 1нээс эхлэн хүчин төгөлдөр мөрдөгдөж эхэлнэ. Энэ хуульд зааснаар улсын бүртгэлийн гэрчилгээжүүлэх байгууллага бөгөөд Монгол улсын 16 нас хүрсэн бүх иргэдэд тоон гарын үсэг олгохоор заасан байгаа. Үүнтэй холбоотойгоор улсын бүртгэлийн байгууллагаас иргэдэд тоон гарын үсэг олгох үйл ажиллагааг нээж байна. Улсын бүртгэлийн ерөнхий газрын дарга Д.Дэлгэрсайхан: "Өнгөрсөн оны 12 сард тоон гарын үсгийн хууль батлагдсан. Өнөөдрөөс эхлэн 5 сарын 1нээс хуулийн хэрэгжилт эхэлж байна. Орчин цагийн иргэний байгууллага үүсэж хөгжөөд 82 жил болж байна. Энэ хугацаанд хамгийн томоохон цар хүрээтэй хийгдэж байгаа нэг ажил нь тоон гарыг үсгийг иргэдэд өгч байгаа ажил хэмээн харж байгаа. Хэд, хэдэн 10 жилийн үе шаттайгаар нэлээн томоохон ажил хийгдсэн байдаг. Жишээ нь, 2011, 2012 онд шинэчилсэн бүртгэлд иргэд хамрагдсан. Үүнээс хойш 10 жилийн дараа бүх иргэдэд тоон гарын үсгийг олгох ажлыг өнөөдрөөс эхлэг хийж байна. Энэ ажил нь гурван үе шаттай хийж байгаа. Нэгдүгээрт, бүх улсын бүртгэгч нараар дамжуулан 21 аймаг, 9 дүүрэг, 6 үйлчилгээний төвөөр иргэдэд дээ тоон нарын үсгийг үнэгүй 5 жилийн хугацаатайгаар олгож байгаа. Хоёрдугаарт, ухаалаг машинаар дамжуулан мөн тоон гарын үсгийг олгоно. Энэ хоёр ажил хийгдэхэд бэлэн болсон байна. Гуравдугаарт, энэ сардаа багтан гар утасны апп-аар тоон гарын үсгийг олгохоор ажиллаж байна" гэв.
