Засгийн газрын ээлжит бус хуралдаанаар Шударга өрсөлдөөн хэрэглэгчийн төлөө газрын даргаар С.Мөнхчулууныг томилжээ.
Тодруулбал, өнөөдөр Засгийн газрын ээлжит бус хуралдаанаар төсвийн тодотголыг хэлэлцэж буй юм. Энэ үеэр Шударга өрсөлдөөн хэрэглэгчийн төлөө газрын даргаар С.Мөнхчулууныг томилсон байна. Энэ оны нэгдүгээр сарын 19-нд ШӨХТГ-ын даргаар Т.Гантулгыг томилсон ч өөрийн хүсэлтээр чөлөөлөгдөх хүсэлтээ өгсөн аж.
С.Мөнхчулуун нь 1979 онд төрсөн. 1997-2001 онд Техникийн их сургуулийг механик инженер, 2011-2013 онд Удирдлагын академийг төрийн удирдлагын магистр зэрэгтэй тус тус төгссөн.
Ажилласан байдал
2009-2010 онд Нийслэлийн Өмчийн харилцааны газар, Бүртгэлийн мэргэжилтэн,
2010-2012 онд Нийслэлийн Өмчийн харилцааны газар, Төр, хувийн хэвшлийн түншлэл, концессын хэлтсийн дарга,
2012-2016 онд Сонгинохайрхан дүүргийн Засаг даргын Тамгын газрын дарга.
Сонгуульт ажил
2008-2009 СХД-ийн МАХН-ын хорооны дэд дарга,
2016 оноос Нийслэлийн Намын хорооны гишүүн,
2016 оноос МАН-ын Бага хурлын гишүүн,
2016 оноос Нийслэлийн МАН-ын хорооны гишүүн,
2016 оноос Нийслэлийн МАН-ын хорооны дэд дарга,
2016 онд МАН-аас нэр дэвшиж, Нийслэлийн Иргэдийн Төлөөлөгчдийн Хуралд Төлөөлөгчөөр сонгогдсон,
2016 оноос НИТХ-ын Тэргүүлэгчээр сонгогдсон,
2016 НИТХ-ын Хууль зүй, төрийн байгуулалтын хорооны дарга,
2016 оны 12 сараас 2018 оны 12 сар хүртэл НИТХ дах МАН-ын бүлгийн дарга.
