Гаалийнхан ойрд барцадтай байна. Арай гэж хилээр оруулж ирсэн ачаа барааг онгичиж, хоцрогдсон бүдүүлэг аргаар шалгах нэрээр шантаажилж байгаа цөөнгүй бичлэг нийгмийн сүлжээнд тавигдсан юм. Гаалийн ерөнхий газрын дарга үүнд бантахдаа албатуудаа амралтын өдөр амраасангүй. Нисэх буудлын гаальд Б.Асралтын тушаалаар десант бууж бөөн сүрийг үзүүлэв. Гаалийн хүнд сурталд бухимдсан нэг эмэгтэй аргаа барахдаа уйлаад лайв хийсний төлөө энэ байгууллага ингэтлээ сандрахыг бодоход ажил нь ихэд муудсан бололтой юм.
Хамгийн хөгийн нь Б.Асралтын илгээсэн дарга нар Туркаас энэ сарын 3-нд ирсэн 20 тонн ачаа, каргоноос их хэмжээний алт болон мөнгөн эдлэл татваргүй нууж оруулахыг завдсан зөрчил илрүүлж, гавьяа байгуулав. Цар тахлын үед хамаг ачаа бараа нь гацаж, бизнес нь таг зогссон хүмүүсийг бараг л контрбанд хийсэн гэмт хэрэгтнүүд мэтээр харлуулав, гутаав. Карго, гар тээш хоёроо ч ялгахгүй баахан дөвчигнөж, уйлж лайв хийсэн эмэгтэйгээс өс хонзонгоо заналтайгаар авах шиг боллоо. Ингэж шившиглэх ажиллагаа цаашаа ч үргэлжлэх гэнэ.
Хил гааль дээр хяналт шалгалт байх ёстойг үгүйсгэхгүй. Гаальд олон үударга хүн ажилладгийг ч хүлээн зөвшөөрнө. Харин дарга нь өрөөндөө хилэгнэхэд албатууд нь жирийн иргэд рүү ноцож, алт мөнгө ихээр илрүүлж, ажлаа сайн хийсэн дүр эсгэхийг, шоудахыг бол хүлээн зөвшөөрч үл болно. Бизнес хийж байгаа хүмүүс тэртээ тэргүй үнийн өсөлтөд нүдүүлж, ачаа бараа гацахын зовлонг гэтэлж яваа. Үүн дээр нэмээд гаалийн ажилтнуудын занаанд дарамтлуулах ёстой гэж үү. Эрээний боомтоор өчнөөн тонн алт хамар доороосоо алдчихсан гаалийнхан хүний гар тээшээс хэдэн грамм алт илрүүлж дөвчигнөх нь хэр шударга юм бэ.
Алуурчид амь тавихаасаа өмнө сүржигнэдэг.. Сүг. Батболдтойгоо зайлаарай .. Мөнхиин ус уучхаагү л бол… Ккк
Huurhun l huu baina. Uurlaad yahve. Alt mungu zuuh chadaltainuud ni duugiin namd l baigaa ldaa. Heseg hugatsaanii daraa ileruulsen alt mungu haachsiim buu med geel suutsgaana. Ene l uurlah sedev.
Нэг газар удахаар юу болдгыг ройд хөрш харуулсан. Өөрчлөх хэрэгтэй