Уг нь Кристофер Колумб 1492 онд Италийн Генуя хотоос гаралтай аялагч, худалдаачин, цэрэг бөгөөд Америк тивийг нээж, колоничлолын эринийг эхлүүлсэн хүн болсон юм. Америго Веспуччи Энэтхэг хүрэх дөт зам хайсаар санаандгүйгээр Америкийг нээсэн ч Кристофер Колумбын нээлтийн тухай маргаан өнөөг хүртэл эрдэмтдийн дунд үргэлжилдэг бөгөөд саяхан Колумбыг зүүн хойд Америкт хүрэхээс өмнө 500-аад жилийн өмнө буюу МЭ 1000-аад оны Викингчүүд очсон гэдэг нотолгоо олдсон билээ.
Ямартай ч Америк тивийн нэрийг өгсөн Италийн худалдаачин, судлаач, далайчин Америго Веспуччи 1454 оны 3 сарын 9-нд Италийн Флоренцод мэндэлж, худалдаачин, банкны ажилтан, нярав, хөлөг онгоцны тоноглолын худалдаачин гээд олон төрлийн ажил хийж байгаад 40-өөд насандаа аялагч болжээ. Кристофер Колумбтай биечлэн уулзсаны дараа аялалд явах хүслээ биелүүлж, 1497-1504 онд Испани, дараа нь Португалийн нэрийн өмнөөс аялжээ. Америго Веспуччи аяласан аялалаа тэмдэглэсэн 2 ч товхимол гаргасан нь Европт тархаж, маш олон хүн уншсан гэдэг. 1497-1504 онд Испанийн нэрийн өмнөөс аяласан аялалын үеэр одоогийн Рио де Жанейро хотод ирж, шинэ тив нээсэн гэдэгтээ итгэж Өмнөд Америкийг Шинэ Ертөнц /New World/ хэмээн нэрлэсэн бөгөөд 1507 онд Америкийг түүний нэрээр нэрлэжээ. Америго Веспуччигийн Кристофер Колумбаас ялгаатай тал нь шинэ нээсэн газраа Өмнөд Азийн нэг хэсэг биш, шинэ газар гэдгийг мэдэж, хүлээн зөвшөөрсөн, мөн нутгийн уугуул иргэдийг колончлохыг эрэлхийлэлгүй харин ч тэдний зан заншлын талаар судалж, суралцахын тулд багагүй хугацааг өнгөрүүлсэн гэдэг. Гэхдээ л боолын худалдаа эрхэлж, үүнээсээ ашиг хүртсэн удаатай.
Хойд болон Өмнөд Америк тивийн тухайд Хойд Америк тив нь Өмнөд Америкаас том хэмжээтэй Америк тив умард өмнөд хоёр туйл руу маш урт тэлж тогтсон, дундаа бараг тасрах шахсан байдгаас тус тивийг хоёр тив болгон хуваадаг. 2 тивийн газар нутаг нийлээд 16,43 сая хавтай дөрвөлжин миль газар нутагтай. Уг нутаг дэвсгэрт 35 улсын 1,014 тэрбум гаруй хүн ам амьдарч байна. Энэ 2 тив бүхэлдээ дэлхийн гадаргуугийн 8.3%, хуурай газрын 28.4%-ийг эзлэдэг.
Хэрэв Америго Веспуччигийн энэ аялал амжилттай болоогүй, түүний тэмдэглэл Европт тараагүй бол Америк тив өнөөдөр өөрөөр нэрлэгдсэн, одоогийн байдлаа олоогүй ч байж болох байсан. Америго Веспуччигийн өдрийн бас нэгэн онцлох зүйл нь Итали Америкийн өв соёл, уламжлал, Америкт авчирсан Италичуудын хувь нэмрийг онцлон хүмүүст таниулахыг зорьдог.
