Сүүлийн 24 цагт PCR шинжилгээгээр халдварын 189 шинэ тохиолдол батлагдаж, нас баралт бүртгэгдсэнгүй. Тохиолдлуудын 91 нь Улаанбаатар хотод, 98 нь орон нутагт батлагдсан байна. 1,377 хүн эмнэлэгт хэвтэн эмчлүүлж байгаагийн 358 нь хүүхэд бол 100 нь жирэмсэн эх байна гэж ЭМЯ-наас мэдээллээ.
Халдвар авсан иргэдийн,
- 315 хүний биеийн байдал хөнгөн,
- 909 хүний биеийн байдал хүндэвтэр,
- 139 хүний биеийн байдал хүнд,
- 14 хүний биеийн байдал нэн хүнд байна.
Өнөөдрийн байдлаар халдвараас шалтгаалсан нас баралтын нийт тоо 2,104 болсон бол гэрийн ажиглалтад 4,863 хүн байгаа аж.
Мөн 2,271,860 хүн вакцины I тунд, 2,173,366 хүн вакцины II тунд, 1,026,782 хүн III тунд, 107,441 хүн IV тунд хамрагджээ.
