Нийслэлийн Баянзүрх дүүргийн 8 дугаар хороонд шинээр баригдаж буй барилгын цахилгаан шатны хонгилд хүн унаж нас баржээ. Энэ тухай дуудлагыг өчигдөр 19.20 цагт Цагдаагийн байгууллагад ирүүлсэн юм. Аврах 105 дугаар ангийн алба хаагчид хэргийн газар очиход барилгын туслан гүйцэтгэгчээр ажиллаж байсан гипсэн хавтангийн бригадын ажилтан, 52 настай эрэгтэй цахилгаан шат хийхээр бэлдсэн 4.2 метр гүн нүхэнд унаж осолдсон байжээ. Ослын хэргийг БЗД-ийн Цагдаагийн 3 дугаар хэлтэс шалгаж байна.
Эх сурвалж :ОБЕГ
