Багахангай-Хөшигийн хөндий-Эмээлт чиглэлийн 127 км төмөр замыг ашиглалтад оруулахад бэлэн болжээ. Энэ талаар Зам, тээврийн хөгжлийн сайд Б.Дэлгэрсайхан мэдээлэл өгөхдөө "Багахангай-Хөшигийн хөндий-Эмээлтийн чиглэлийн төмөр замыг Монгол, ОХУ-ын хамтарсан "Улаанбаатар төмөр зам" компанид үнэ төлбөргүй шилжүүлнэ. Оронд нь Улаанбаатар дундуур явж байгаа төмөр замыг Монгол Улс өөртөө шилжүүлж аваад хуулж, оронд нь нийслэл дундуур дамжин өнгөрөх авто зам болгон ашиглахаар төлөвлөж байгаа" гэлээ.
