2026-2027 оны хичээлийн шинэ жил эхлэхэд ердөө гуравхан долоо хоног үлдээд байна. Сүүлийн жилүүдэд эцэг эхчүүд хүүхдэдээ чанартай суурь боловсрол олгоход илүүтэй анхаарч, сургалт сайтай улсын сургуулийг сонгох нь нэмэгдсэн. Чанартай сургуулийг тодорхойлох гол шалгуур нь Элсэлтийн шалгалтын дундаж оноо байдаг бөгөөд орон нутаг болон нийслэлийн сургуулиудын эрэмбэ жил бүр өөрчлөгдөн өрсөлдөөнтэй байгаа юм. Боловсролын үнэлгээний төвийн сүүлийн тоо баримт буюу 2025 оны Элсэлтийн шалгалтын дундаж оноогоор Оюунлаг сургууль тэргүүлсэн.
2026 оны Элсэлтийн шалгалтын нэгдсэн үр дүнг Боловсролын үнэлгээний төв нь сургууль тус бүрээр гарган улсын хэмжээнд албан ёсоор зарлаагүй байна. Харин энэ жил Элсэлтийн шалгалтын дүнг улсын хэмжээнд аймгуудаар нь нэгтгэсэн дундаж онооны эрэмбэ гаргасан юм. Үүнд, Өвөрхангай (524.4 оноо), Сүхбаатар (524.0 оноо), Увс (520.5 оноо) аймгууд дундаж оноогоор тэргүүлсэн юм. Ингээд 2025 оны Элсэлтийн шалгалтын дундаж оноогоор тэргүүлсэн 60 сургуулийг танилцуулж байна.
- Оюунлаг сургууль – УБ
- Сант сургууль – УБ
- Билигт Өргөө сургууль – Орхон
- Шинэ Монгол Харүмафүжи – УБ
- Төгс дэлгэрэх сургууль – УБ
- Шинэ эхлэл сургууль – УБ
- Хархорин ГЗ сургууль – Өвөрхангай
- Монгол Тэмүүлэл сургууль – УБ
- Хобби сургууль – УБ
- МҮИС ахлах сургууль – УБ
- Наран нэг сургууль – УБ
- Цэгц билэг сургууль – Дундговь
- Асури сургууль – УБ
- Шинэ Монгол сургууль – УБ
- Олонлог төв сургууль – УБ
- Эрдмийн сан сургууль – Орхон
- Тусгал сургууль – УБ
- Долоодой сургууль – Дорнод
- 11-р сургууль – УБ
- Мандал 5-р сургууль – Сэлэнгэ
- Улаанбаатар сургууль – УБ
- Логарифм сургууль – УБ
- Оргил сургууль – УБ
- ШУТИС алхах сургууль – Дархан
- Бритиш сургууль – УБ
- Томё сургууль – УБ
- Фловер сургууль – Дорнод
- Номт наран сургууль – УБ
- Гёте сургууль – УБ
- Эрдмийн далай сургууль – Хөвсгөл
- Мэргэд сургууль – Өвөрхангай
- Шинэ үе сургууль – УБ
- Дойче шуле сургууль – УБ
- Дарын сургууль – Баян-Өлгий
- Тэмүүлэл-Эрдэм сургууль – Өвөрхангай
- Сэлбэ сургууль – УБ
- Номч сургууль – УБ
- Уянга 1-р сургууль – Өвөрхангай
- Монгол-Оюу сургууль – Дархан
- Уянга Жаргалант сургууль – Өвөрхангай
- Эмпати сургууль – Дархан
- Цаст Алтай сургууль – Ховд
- Бастама сургууль – Баян-Өлгий
- Прогресс сургууль – Ховд
- Бага тэнгэр сургууль – УБ
- Олонлог академи сургууль – УБ
- Эмпати сургууль – Баян-Өлгий
- Монгол Билиг оюун сургууль – УБ
- Сайхан 2-р сургууль – Сэлэнгэ
- 65-р сургууль – УБ
- Атланта сургууль – УБ
- Замын-Үүд 1-р сургууль – Дорноговь
- Бат өлзий 2-р сургууль – Өвөрхангай
- 93-р сургууль – УБ
- Жаргалан сургууль – УБ
- 1-р сургууль – Увс
- Жаргалан 7-р сургууль – Ховд
- Орчлон сургууль – УБ
- Эмпати сургууль – Орхон
- 5-р сургууль – Говьсүмбэр
Сургуулийн орчин нөхцөл, багшийн заах арга барил чанартай боловсролын чухал суурь болдог ч хүүхдийн бие даан суралцах арга барил, хувийн хичээл зүтгэл хамгийн эцсийн үр дүнг тодорхойлдог. Улсын болон хувийн сургуулийн аль нь ч бай сургалтын чанартай систем бүрдүүлж болох хэдий ч суралцагчийн тэмүүлэл, өөрийгөө хөгжүүлэх идэвх чармайлтгүйгээр мэдлэгийг бүрэн дүүрэн эзэмших боломжгүй юм. Мэдлэг бүтээх үйл хэрэг нь зөвхөн сургуулийн орчинд бус, хүүхдийн өөрийнх нь бие даан суралцах хариуцлага, хандлагатай нягт холбогддог.
Нөгөөтэйгүүр, улсын сургуулиудын анги дүүргэлт өндөр байгаа нь сурах орчинд шууд сөргөөр нөлөөлдөг. Багш хүүхэд бүртэй тулж ажиллах боломж хязгаарлагдмал тул сурагчдаас бие даан суралцах дадал барилаа илүү хөгжүүлэхийг шаарддаг. Харин хувийн сургуулиудын хувьд анги дүүргэлт багатай тул сурагч бүрт тулж ажиллан, тэдний хоцрогдол болон сул талыг цаг алдалгүй нөхөж, сургалтын чанарыг богино хугацаанд ахиулдгаараа давуу талтай юм.
Иймд эцэг эхчүүд хүүхдийнхээ боловсролд анхаарч буй бол багаас нь суралцах чадварынх нь суурийг зөв тавьж өгөх нь нэн чухал юм. Суурь мэдлэг, чадвар сайн эзэмшсэн хүүхэд цаашид бие даан суралцах, өөрийгөө хөгжүүлэх боломж хавьгүй өндөр байдаг нь судалгаагаар тогтоогджээ.
