Өнгөрсөн бямба гараг буюу нэгдүгээр сарын 15-нд БНХАУ-ын Бээжин хотод “омикрон” хувилбарын анхны тохиолдол бүртгэгджээ. Тухайн өдрийн өглөө шинжилгээний байгууллагаас өвчтөний нуклейн хүчлийн шинжилгээний хариу хэвийн бус байна гэж мэдээлсэн байна. Энэ дагуу Бээжин хот болон харьяалах дүүргийн өвчин халдварыг сэргийлэн хянах төвийн лабораторид хянуулж, шинжилгээний хариу нь эерэг гарч, “омикрон” хувилбарын халдвар хэмээн албан ёсоор оношилсон байна.
