Хүнс, хөдөө аж ахуй, хөнгөн үйлдвэрийн сайд Ц.Идэрбат хаврын тариалалтын талаар мэдээлэл өглөө.
-Хаврын тариалалт дууслаа. 530 мянган га-д хүнсний ногоо, тэжээл, буудай тарилаа. Мөн тариалалтын явцыг шалгахад 70 гаруй хувь нь сайн байна. 316 мянга га-д буудай, 12 мянган га-д хүнсний ногоо тариалсан байна. Тариаланчдын хүсэлтийг Засгийн газар шуурхай шийдвэрлэж, хаврын тариалалтыг хугацаанд нь хийж чадлаа.
Шатах, тослох материалын үнэ асуудал байсан. Тэгвэл түлш, шатахууны долоон мянга гаруй тонныг тариаланчдад өгчээ. Тариаланчид анхүүгийн хувьд хүнд байсан учир хөнгөлөлттэй зээлийг олголоо. Нутгийн 90 гаруй хувьд зуншлага сайн байна. Үе, үе халах учир үүлэнд зориудаар нөлөөлөхөөр бэлтгэлээ хангалаа. Бид намрын асуудал бий. Ургацаа алдахгүй байх зорилгоор ургацын комисс байгууллаа.
Бид малчдынхаа өмнө тулгамддаг асуудлыг шийдэх зорилгоор 17 аймгийн 25 суманд ногоон тэжээл тариалах ажлыг хуримтлал дээр нь тулгуурлан зохион байгуулсан. Тариалалт нь 100 хувь байна. 2027 онд үүнийг дэлгэрүүлэх болно. Хоёрдугаарт, арьс ширийг үнэтэй болгохын тулд таван аймагт төсөл хэрэгжүүлсэн. Эхнээсээ үхрийн арьс үйлдвэртээ ирж байна. 2027 онд бид хөдөө аж ахуйн салбарт далайцтай ажил хийх бэлтгэл ажлыг хангаж байна.
Миний хувьд Ховдын аж үйлдвэрийн парктай танилцсан. Хөрөнгө оруулалт хийгдсэн байна лээ. Тэнд мах, арьс ширний үйлдвэрийг хувийн хэвшлүүд байгуулахад бид нэн хөнгөлөлттэй зээл олгоход бэлэн болно. Гол нь шаардлага хангах түүхий эдээр хангахад учир байжээ. Улаанбаатарын үйлдвэрүүдийн тоног төхөөрөмж сайжирсан байна. Эмээлтийн аж үйлдвэрийн цогцолборт анхаарна.
Малын вакциныг үхэр, бог дээр тариад дуусаж байна. Наадмын үеэр хоёр шинжийг агуулсан вакциныг Орос захиад хийнэ. Үүний ар дээр намрын вакцинаа тарина. Эрүүл мал гэх аяныг хоёр жилийн хугацаанд зохион байгуулна. Малаа тариулахгүй зөөдөг хүмүүст хариуцлага тооцохоос эхэлнэ.
Махны үнэ бол нийлүүлэлтээс шалтгаалж байгаа. Манай яам махны экспортыг зогсоохгүй. Мах зарагдахгүй байгаа ч үнэ нь өсөөд байгаа тогтолцоог засна.
