Цаг уур, орчны шинжилгээний газар Дэлхийн цаг уурын байгууллагын (WMO) OSCAR/ Surface системд 75 өртөөний мета өгөгдлийг шинээр бүртгүүлснээр улсын бүх 138 өртөөний мэдээлэл олон улсын мэдээлэл солилцоонд нээлттэй болсон байна. Одоогоор эдгээрээс 102 өртөөний мэдээллийг дэлхийн цаг агаарын тоон загварчлалын төвүүд ашиглаж эхэлсэн байна. Ингэснээр Монгол болон бүс нутгийн цаг агаарын урьдчилсан мэдээний нарийвчлал сайжирч, зуд, ган, үер зэрэг аюулт үзэгдлийг илүү эрт, бодитой прогнозлох боломж нэмэгдэх юм. Энэхүү ажил нь Монгол Улсын олон улсын цаг уурын мэдээллийн солилцоонд оролцох чадавхыг хоёр дахин нэмэгдүүлж, дэлхийн ажиглалтын сүлжээнд оруулах хувь нэмрийг бодитоор ахиулсан чухал алхам боллоо.
