Жил бүр уламжлал болгон зохион байгуулагддаг White House Correspondents' Dinner-ийн үеэр халдлага болж арга хэмжээ гэнэтийн байдлаар зогсоход хүрлээ.
Энэ удаагийн зоогт улс төр, хэвлэл мэдээлэл, урлаг соёлын салбарын 2000 гаруй зочид оролцож байсан бөгөөд оройн хөтөлбөр эхэлж байх үед танхимын гадна хэсгээс хэд хэдэн удаа буудсан гэх мэдээлэл байна. Гэрчүүдийн ярьснаар буун дуу сонсогдмогц зочид ширээний доор нуугдаж, хамгаалалтын алба шуурхай арга хэмжээ авчээ.
АНУ-ын Ерөнхийлөгч Donald Trump болон бусад өндөр албан тушаалтнуудыг нэн даруй аюулгүй бүсэд шилжүүлсэн бөгөөд тэд бэртэж гэмтээгүй гэж албаныхан мэдэгдэв. Харин хамгаалалтын нэг ажилтан сум нэвтэрдэггүй хантаазанд оногдсон ч амь насанд аюулгүй байгаа аж.
Урьдчилсан мэдээллээр сэжигтэн этгээдийг хэрэг гарсан даруйд баривчилсан бөгөөд АНУ-ын Нууц алба болон холбогдох байгууллагууд мөрдөн шалгах ажиллагааг эхлүүлээд байна. Одоогоор халдлагын шалтгаан, сэдлийг тогтоохоор ажиллаж байгаа юм.
Уг явдлын улмаас арга хэмжээг шууд зогсоож, оролцогчдыг аюулгүй гаргасан бөгөөд зохион байгуулагчид ойрын хугацаанд дахин зохион байгуулах боломжийг судалж байгаагаа мэдэгдлээ.
Энэхүү хэрэг явдал нь ихэвчлэн хошигнол, илтгэлээр дүүрэн тайван уур амьсгалтай болдог энэхүү арга хэмжээний түүхэнд хамгийн ноцтой аюулгүй байдлын зөрчил болж байна.
