Дөрөвдүгээр сард цахилгаан шугам, тоног төхөөрөмжид хийх төлөвлөгөөт засварын ажлын байршил болон цагийн хуваарийг Улаанбаатар Цахилгаан Түгээх Сүлжээ ТӨХК-аас мэдээллээ. Энэхүү засвар нь шугам сүлжээний найдвартай, аюулгүй ажиллагааг хангах зорилготой бөгөөд тодорхой хугацаанд цахилгаан эрчим хүчийг түр хязгаарлах шаардлага үүсэх юм. Цаг агаарын нөхцөл байдал, техникийн шаардлагаас шалтгаалан хуваарьт өөрчлөлт орох боломжтой. Ийм тохиолдолд хэрэглэгчдэд гэрээнд бүртгэлтэй утасны дугаараар урьдчилан мэдэгдэнэ. Иймд иргэд та бүхэн мэдээллээ тогтмол шалгаж, анхааралтай байхыг зөвлөж байна. Мөн засварын ажлыг тухайн шугам, тоноглолыг бүрэн хүчдэлгүй болгосны дараа гүйцэтгэдэг тул тодорхой хугацаанд цахилгаан тасалдах нь зайлшгүй юм. Иймээс хэрэглэгчдийг уг нөхцөл байдлыг ойлгон, хүлээцтэй хандахыг албаныхан анхаарууллаа.
Дөрөвдүгээр сарын цахилгаан, эрчим хүчний тоноглолд хийх хязгаарлалтын дэлгэрэнгүй хуваарийг ЭНД дарж танилцана уу.
