БНХАУ-ын иргэн You Jianxia нь 2016 оны 6-р сарын 28-наас хойш хамгийн урт сормуусны дэлхийн дээд амжилтыг эзэмшиж байна.
Тэр үед түүний сормуус 12.4 см урт байсан бөгөөд зүүн нүднийх нь дээд зовхины сормуус нь юм
Гэвч түүний сормуус жил ирэх тусам ургасаар байсан бөгөөд 2021 оны 5-р сарын 20-нд хамгийн урт сормуус нь 20.5 см хүрсэн нь батлагдсан байна.
Түүний бүх сормуус ер нь урт боловч хамгийн урт нь мөн л зүүн нүдний дээд зовхин дээр байдаг байна.
Тэрээр:
“Би анх 2015 онд сормуус маань ургаж байгааг анзаарсан. Тэд удаанаар ургасаар, улам урт болсоор байна” гэв.
Тэр яагаад ийм урт сормуустай болсноо мэдэхээр эмч нарт хандсан ч эмч нар тодорхой шалтгааныг тайлбарлаж чадаагүй бөгөөд үнэхээр гайхалтай тохиолдол гэж үзжээ.
Мөн тэр ген эсвэл өөр шинжлэх ухааны шалтгаан байж магадгүй гэж судалж үзсэн ч түүний гэр бүлд түүн шиг урт сормуус бүхий хүн байгаагүй байна.
You Jianxia өөрөө энэ нь шинжлэх ухааны тайлбараас илүүтэйгээр бурханы нөлөө байж магадгүй гэж үздэг байна.
