БНХАУ Мьянмарт байрлаж байсан гэмт хэргийн бүлэглэлийн 11 хүнийг цаазаар авах ялаар шийтгэлээ. Тодруулбал, Мьянмарын хойд хэсэгт 2 жил гаруй гэмт хэрэг үйлдсэн Мин болон Бай овогтны бүлэглэлийг илрүүлж, уг бүлэглэлийн 11 хүнийг ийнхүү цаазаар авав.
2023 оны 7-р сараас эхлэн Хятадын Нийгмийг аюулаас хамгаалах яам Мьянмарын хойд хэсэг дэх Хятадын иргэдтэй холбоотой цахим залилан луйврын гэмт хэрэгтэй тэмцэх тусгай ажиллагаа явуулж эхэлжээ. Ийнхүү уг ажиллагааны үр дүнд дөрвөн томоохон гэмт хэргийн бүлэглэлийг илрүүлсэн байна. Ингээд өчигдөр буюу 2026 оны 1-р сарын 29-нд Жэжян мужийн Вэньжөү хотын дунд шатны ардын шүүх Дээд шүүхийн зөвшөөрлөөр Мин Гүөпин, Мин Жэньжэнь зэрэг 11 гэмт хэрэгтэнд ял оноожээ.
Уг этгээдүүд Мьянмарт олон тооны цэнгээний газар байгуулж, цахим залилан луйвар хийх, казино ажилуулах зэрэг гэмт хэрэг үйлдэж байжээ. Тэдний залилан луйвар, казинотой холбоотой гэмт үйлдлийн хөрөнгө мөнгөний тоо хэмжээ 10 тэрбум гаруй юаньд хүрсэн гэж тооцоод байна. Мөн Хятадын 14 иргэний амь насыг хохироож, олон хүнийг гэмтээсэн байна.
