Шинэ жилийн баяраар гал гарч 40 хүний амийг авсан Швейцарийн бааранд сүүлийн таван жилийн хугацаанд хяналт шалгалт хийгээгүй гэж орон нутгийн эрх баригчид мягмар гарагт мэдэгдлээ.
Тодруулал, 2019 оноос хойш гал түймрийн хяналт шалгалт хийгээгүй гэж Кранс-Монтанагийн зөвлөлийн ерөнхийлөгч хэвлэлийн хурлын үеэр мэдээлэв.
Баар гэх мэт байгууллагуудад жил бүр шалгалт хийж, гал тогоо зэрэг гал гарч болзошгүй газруудад үнэлгээ өгөх ёстой гэж хотын дарга хэлээд холбогдох албан тушаалтнуудад хариуцлага тооцно гэв. Гал салют, цацрууулагчийн оч дээврийн хөөсөнцөрт хүрснээс гарсан гэж үзэж байгаа.
Гэвч Хяналт шалгалтын тухай хуулинд таазан дээрх дуу чимээ тусгаарлах материалын нарийн заалт байхгүй, өмнөх шалгалтуудаар хөөсөнцөр дуу чимээ тусгаарлагчийн талаар сэжигтэй зүйл олоогүй нь баарны галд өртөх үндэс болсон гэж үзэж байна.
Мөн бааранд насанд хүрээгүй хүүхэд оруулсан, насыг шалгаагүй гэдэг дээр баарныхан маш их шүүмжлэлд өртөж байна. Галд өртөж нас барсан хүмүүсийн дунд 14, 15 настай өсвөр насныхан байсан бөгөөд 40 хүнээс 15 нь 18-аас доош насныхан байсан юм. Хамгийн бага нь 14 настай Швейцарь охин, Франц хүү байв.
Эрх баригчид тухайн баарны менежерүүдийн удирддаг өөр нэг газрыг мөн хаажээ.
